samedi 27 décembre 2008

Qualques jorns en Alsàcia

Èri partit qualques jorns en Alsàcia amb los meus, la maire, lo paira e la sòrre. Coma cada annada partissi amb eles per lors faire plaser. Puèi es subretot qu'an los dos que 15 jorns de vacanças cada annada donc anem a l'estrangièr en estiu per 10/15 jorns e pendent 1 a 5 jorns en França en ivèrn, cada còp a Nadal.

Ma maire es dins qualques setmana al caumatge, pel moment trabalha dins l'espeçariá a sa maire a Milhau, mas dempuèi qualques annadas l'espeçariá es aquí unicament per la nòstra noiridura e lo salari de ma maire, alara vendèm a la comuna. Se tot es plan aquò fa per la menina 100.000 èuros, aquò's una polida soma ! Mas sabi pas çò que va far ma maire, a trabalhada tota sa vida a l'espeçariá e a solament 45 ans, donc deu trobar un autre mestièr e aquò's pas aisit.

Sèm donc anats en Alsàcia pels marcats de Nadal, es luènh aquel país, 8 oras de veitura, mas èra un bon viatge, al calme. Avèm caminats dins Estraborg, dins los marcats, ai jamai aital manjat e begut de ma vida, en 4 jorns, ai manjat mai que dins setmana normala.

Sèm tanben anats en Soïssa e en Alemanha (2 oras per dire qu'avèm vist un país !), per Nadal avèm dormit dins un tres estalas una ostalariá polida a 70€ la cambra alara qu'es a 130€ los autres jorns per dos amb lo dejunar. Aquesta ostalariá fasiá tanben casinò.

jeudi 18 décembre 2008

Vin caud de nadal

Dimars après la jornada de trabalh, soi anat a Carrefour per comprar 12 litres de vins en botelha plastica pr'aquò èra per far de vin caud pas per beure sol, per la fèsta de Nadal a l'escòla.

Canèla, citrons, sucre, vin, iranges, tot aquò dins una caçairòla e zo sul fuòc. 3 oras per far los 12 litres..èra long e dur.

Lo dimècres de matin direccion LIDL per anar crompar lo salmon fumat e un pauc de tot per nòstre repais de nadal. Es ben de far tot aquò mas lo ser, èra de 18h a 21h lo sopar, mas de 18h a 20h aviá anglés, donc ai preparat lo vin, soi anat 2 còps crompar la noiridura per lo plaser dels autres. Es aquò d'èstre dins lo burèu dels escolans pr'aquò per un còp avèm acabat a 19h45 ! Ai donc begut un veire de vin caud, ai manjat del salmon fumat. Mas compreni pas i aviá pas degun, es gratis e o mond ven pas, benlèu eram 1/4 de l'escòla pas mai.

Ai començat la traduccion del sit opensubtitles.org qu'es lo mai grand sit de sostítols del mieu vejaire, espèri que vau acabat abans nadal. Soi a mai de 50% en 2 jorns.

lundi 15 décembre 2008

La nèu es a Milhau, lo Tòni es a Montpelhièr

E òc soi totjorn luènh de Milhau quand i a de nèu, vai cagat.

Divendres i aviá Julien de Milhau qu'es vengut a Montpelhièr, alara amb Simon e el en co de Simon, avèm begut una botelha de vin roge per cambiar, e de la bièrra amb una pizza per cadun, tot çò que cal per la santat pr'aquò sèm jove. Sèm anats en vila dins un bar per trobar companh de Julien, avèm passat lo moment de a serada a discutir amb Simon e un pauc amb una filha. Puèi sèm dintrats, al final avèm pas fach mai mas èra l'una de las melhoras serada aquesta annada. Passar la serada a beure, a discutir, a viure amb los amics, que de mai ?

Puèi quand los uèlhs an pas pogut mai daissar dobèrt, soi anat al lièch, los dos èran ja sul lo sol lièch, donc ai dormit sus lo sòl. Lo matin aviái un pauc mal a l'esquina, mas es normal.

Lo dissabte avèm pas fach mai, Julien es dintrat al país, nautres sèm anats dins lo centre de la vila, avèm marchat, begut 2 bièrras dins la carrièra, e parlat de tot e de res.

Soi daissat a Montpelhièr per anar a l'aniversari d'un de la classa, èra al ser al restaurant, sèm daissats 3 o 4 oras a manjar mas bon èra mejan.

Dimenge, èra lo cambiament d'apartament per Samuel, lo sol vertadièr amic de Montpelhièr, qu'es nomenat lo josieu, l'american o lo vegetarian. Amb Mihai qu'es nomenat lo romanés an començat a 9 oras del matin, soi anat amb eles solament a 5 oras del vèspre, mas avèm acabats a 1 ora del matin. E encara..

A 9 oras e mièja avèm acabats de cargar la veitura de Mihai, sèm anats dins Gard, a Nèrç, es a dire 2 oras e mièja de rotas pel trajècte. Urosament avèm una botelha de whisky per far la rota. A fach plaser lo kebab e la pizza d'una ora del matin ! Mas es pas possible d'èstre tan long per un apartament de 35 m². Lo matin a 8 oras del matin abans lo trabalh, soi passat per cargar qualques sacs de mai, mas l'apartament èra totjorn pas prèst alara qu'a pas dormit lo Samuel..

vendredi 12 décembre 2008

Traduccion acabada

Ai acabat la traduccion del film Wall-e en occitan, pels que vòlon es aquí : http://mertyl.free.fr/subtitles.

Ai retrobat una filha qu'èra amb ieu al primari mercé a Facebook, sul còp me remendariái pas d'aquesta filha, cresiái qu'èra l'alcòl mas non es solament lo nom, quand ai vist los fòtos m'es revengut sul pic, es damatge, èra a Montpelhièr l'annada d'avant.

mercredi 10 décembre 2008

Primièr contraròrtle

Diluns e dimars, l'estagi, coma cada setmana, lo temps es reglat coma una pendula. Coma aviái pas res a faire lo dimars, ai començat de far la traduccion en occitan del film Wall-E, los sostítols, es un pauc long mas bon, aviái qu'aquò coma ocupacion. Ai tanben començat un episòdi de la seria de television Hereos (Eròis), lo film Gothfather e Means Streets.

Aqueste dimècres, soi a l'escòla, aviá un contraròtle aqueste matin, 4 oras a escriure anglés a prepaus de la VoIP e d'autras causas.

Sai pas que faire aquesta dimenjada, Samuel me prepausi d'anar dins Gard amb el e d'autres amics, o soi tanben convidat a un aniversari d'un òme de la classa, sèm los dos al burèu dels escolans, es pas un "amic" mas bon i a de mon del burèu que ven.

lundi 8 décembre 2008

Qual crea la violéncia ?

Divendres, après lo trabalh, après l'escòla soi en dimenjada, mas aqueste divendres coma cada jorn, soi passat al fuòc roge, a dos a la seguida a 80 km/h amb lo telefòn a l'aurelha. Mas aqueste còp i aviá los blaus, donc ai agut lo drech de pagar 90€ per un fuòc roge.

Ai fach pas res aquesta dimenjada, ai regardat a l'ostal, a Milhau, la seria eròis (Heroes), tota la sason 2 lo meteis jorn dins lo lièch, aquò's de la jornada. Puèi lo dimenge avèm manjat amb los mieus, lo paire, la maire mas sens ma sòrre e la tanta a la maire qu'es a l'ostal amb nautres. Avèm manjat de las galhetas d'anhèl, es bon mas es car, donc es solament 2 o 3 còps per annadas, puèi la mamà aviá fach de las aurelhetas.

Ièr soi dintrat a Montpelhièr, mens d'una ora e 10 minutas per faire la rota. Ai begut una botelha, puèi una autra, sens manjar, puèi lo diluns matin, aviái mal al cap. Soi anat al trabalh per 9 oras, a 8h58, sul parcatge del trabalh, ai vomit tota l'aiga qu'aviái begut lo matin, es a dire, un litre al mens. Pr'aquò m'en foti del mal de cap, es solament un mal fisica, e fa mens mal qu'una luxacion d'espatla, una lucacion fa ela tanben mens mal que l'amor.

Ara, ai donc 90€ en mens, e cossí un estudiant pòt faire per aver 90€ ? Pas d'un biais legal de segur. Ai la responsa, vau a sortit lo cotèl que demòra a l'ostal dempuèi un mes e faire aquesta causa.. ganhar ma vida coma un rabalaire*, coma un òme de los carrieras*.

*rebalaire e carrièras dins lo milhavés

vendredi 5 décembre 2008

Un dijòus ser

Un dijòus ser de mai.

Vin : una botelha de Galhac
Pastis : 8 + 3 a gratis
Bièrra : 2

18€, fa mal al cuol mas bon èra una bona serada.

Sai par perqué mas arribi totjorn a me faire pagar qualques pastisses en serada. Bon per lo darrièr foguèt aisit, la femna darrièra lo bar a fach tombar un litre de liquid sus ma camiseta, e donc ai demandat un pastis per lo damatge, mas en vertat es pas grèu es solament una camiseta.
Ai passat la serada a discutir amb l'americana polida e a beure dels pastisses, mas per cambiar aquesta femna de 24 annadas a un òme e per cambiar ela a passada 10 minutas amb el e mai de 2 oras amb me en tèsta a tèsta. Es tanben l'una de las doas professoras qu'ai en anglés, avèm parlat d'ela e un pauc de ieu. A solament una annada de mai, puèi es polida, tròp polida per ieu, o sabi, pr'aquò es amb un escolan de primièra annada donc benlèu podèm faire un pauc de camin ensemble, puèi..

Puèi mai es dificil, mai es per ieu.

mercredi 3 décembre 2008

Estagi e vòmit

Coma cada diluns e cada dimars, vau al trabalh, dins lo contracte soi per jorn a 7 oras de trabalh per 21.5€, mas dins la vertat es mai 9 oras de trabalh. Los estagiaris fan lo meteis trabalh qu'un salariat mas es 4 a 5 còps mens car per l'entrepresa.
Mas urosament es solament per aver 6 punts sus los 60 que cal aver per anar en darrièra annada. E de mai es solament un estagi de 3 meses.
Pr'aquò devi faire un autre estagi a la fin de l'annada, aqueste estiu, junh, julhet, agost..

Ai totjorn pas lo numèro de Camille, la filha de Palavàs. Avèm passat un polit moment, qualques oras, sus la plaja, e un còp a la gara lo matin, voliá me pagar un cafè. Mas coma un piòt l'ai daissada partir dins lo tren sens demandar lo sieu numèro.

N'aurai jamai lo numèro, dins 2 mes e qualques partís per Katmandó, e es pas a costat Nepal. Vòls pas me veire alara qu'avèm passat un polit moment es un pauc estranh.

Diluns de ser ai begut una botelha de Beaujolais vilatge e 2/3 d'una botelha de rom, lo dimars, lo matin, èri dins lo canapè ja amb los vestits, sus lo lièch e lo sòl un mesclat de vin roge e de ròcafòrt. Soi anat al trabalh sens netejar.