Dimenjada dins Gard

Dimenjada dins Gard, en çò de Samuel, a Nèrç amb Samuel, Matthieu, Antoine, Mendhi, Mihai e ieu.

Nèrç qu'es un pichon vilatge al ras de Gardon, lo riu.

Sèm anats a Nèrç lo dissabte, per miègjorn, avèm crompat tot çò que cal per una rascleta, puèi avèm begut una botelha de vin de Montpelhièr, puèi una autra, puèi una botelha de muscat. Tot aquò en jogant a un jòc de dats qu'es un jòc chinés, avèm cadun 5 dats e devèm anonciar un nombre, per exemple cal dire 6 5, per 6 dats de 5. Es lo nombre de dats entre los dos jogaires. Alara l'autre pòt augmentar o dire que l'autra a fals.

Donc a 17h sèm anats al lièch pr'aquò es una bona causa si que non auriam pas jamai pogut tenir drech tota la serada.

Los autres son venguts a 20h, puèi avèm fach l'aperitiu e una rascleta tota la serada dins a 4 oras del matin.

L'endeman a miègjorn avèm jogat al tennis al vilatge, amb una botelha de whisky per Matthieu e ieu. Ma puta d'espatla es aicí e pòdi faire pas res, pòdi pas jogar, pòdi pas lançar, pòdi pas viure, pòdi solament beure.
Alara agachi, parli amb los autres mas soi espectator, espectator de la mieuna vida.

Serada en çò de Samuel

Dimècres ai dormit de mièjanuèch a una ora del vèspre. Ai manjat, puèi soi anat un nòu còp al lièch. Puèi me soi desrevelhat per anar a una causa qu'ai gaireben oblidat sul còp, los "english debates", es a dire una reünion a l'escòla ont tot lo mond parla anglés de 18 a 20 oras del vèspre, avèm parlat del Tazer qu'es una arma electrica puèi avèm parlat de l'intervencion economica de l'estat dins los entrepresas. Tot aquò en anglés, amb 15 autras personas en cercle amb una americana de Kentucky per corregir los paraulas nòstras. De mai d'èsser polida es jove e aimabla.

Puèi direccion l'ostal de Samuel qu'es tanben american, avèm begut una botelha de Bordèu de 2005, e un pauc de whisky e pas del mens car, un Tennessee whiskey qu'es conegut de saber Jack Daniel's, çaquelà es pas ieu que pagar, avèm pas manjat. Ai dormit 4 oras pr'aquò l'alcòl es encara aquí, dins mon còs, dins mon sang per daissar los uèlhs dobèrts es aquò de beure fins a la fin de la serada.

Estagi

Uèi, primièr jorn d'estagi dins una entrepresa a Montpelhièr. Es situada de l'autra costat de la vila coma mon escòla.
La convencion entre l'escòla e l'entrepresa es pas encara signada, mas voliái començar lèu aqueste estagi per acabar lèu. Ai ja pas res a faire mas es normal es lo primièr jorn dins aquel endrech, abans l'entrepresa èra dins d'autres burèus.

Ièr en veitura, sus l'autopista, ai vist un panèl que disiá : mèfi ! veïcule a contra-sens, es pas totes los jorns que se vist aquò. Me soi donc arrestat qualques minutas, ai begut ma segonda bièrras qu'aviái començada sus la rota.

E ara ai pas res a faire, alara qu'es ja 11 oras del matin, espèri, espèri d'aver un pauc de trabalh, subretot qu'ai pas encara lo web, donc sabi pas tròp que faire.

A miègjorn avèm manjar los 6 de l'entrepresa dins un restaurant italian. Avèm manjat a gratis es l'entrepresa que paga. E aqueste ser ai una enveja de pastas.. ai donc lavat la caçairòla per lo primièr còp de l'annada e ai manjat qualques pastas amb un pauc de ròcafòrt, de pebre e de curry.

Ai tanben mal a l'espatla e subretot al braç pr'aquò bevi per oblidar aquò. Après la segonda botelha i a pas mai de dolor.

Anniversari

Dijòus primièr còp que beviái un beaujolais novèl e primièr còp que beviái una copa de champanha dins un bar. E tot aquò a gratis. Amb un amic a Marie, ela e Simon e ieu vestit amb mon costum blanc, ma gabardina negre e mon capèl negre. Fa un moment que me soi pas vestit coma aquò.

Dissabte èra lo jorn ont festavi mon aniversari, mon cap d'an, un de mai. Lo vèspre sèm anats amb Joan-Francés, Simon e Maria al clapàs vièlh sul causse negre. Fasiá un pauc freg, urosament i aviá pas de pluèja, solament de vent, mas quin vent freg. Lo ser avèm fach un repais, una rascleta amb un rasclador per faire fondre lo formatge, qualques trufas, de la carnsalada, qualques bièrras, una botelha de vin de Milhau e una autra de Marcilhac, fa pas mai per èsser ben. Puèi sèm anats al bowling per jogar, mas a la darrièra bola, una dolor, mon espatla, un còp de mai luxacion de l'espatla, es lo 8ene còp amb 7 per aquela de drecha e 1 per l'autra.

Mas me soi tornat metre l'espatla sol donc es mens emmerdant.
Ai donc après regardat los autres jogar al bilhard, puèi a 4 oras e qualques sèm anats dins la veitura per discutir, puèi a 5 oras e qualques sèm dintrats cadun en çò nòstre.

20 novembre, 23 annadas..

Ièr èra lo jorn de la serada d'integracion a l'escòla. Avèm fach los corses amb lo president del burèu lo matin a 9 oras, e per mai de 100 personas fa un fum de causa a beure e a manjar. Mas aviam que 500€ donc sèm anats a LIDL e avèm pas pus cambiar grand cause coma alcòls. Aviam çaquelà 60 litres de bièrras e un fum de noiridura.

Avèm causit una serada amb l'animacion centrala qu'èra Fort Boyard ! Òc es un pauc.. cossí dire.. especial. Mas avèm un vertat Paire Foras !

Mas es tot un trabalh d'organizar, soi daissat un pauc darrièr lo bar a l'origina per servir los autres. Mas coma soi brave, beviái amb los de davant lo comptador. Ai tanben fach lo jòc de la fuèlha en fuòc que cal daissar lo darrièr, èra ben.

Uèi sèm lo 20 de novembre, mon aniversari, pas pensi pas que va faire quicòm, benlèu solament un repais amb qualques amics mas pas mai.

Madiran e Còstas de Ròse vilatge

Lo vin a l'avantatge de me donar la jòia, l'enveja de viure.

Ièr soi dintrat en çò ieu, a l'ostal, e pensavi qu'o pòdi pas suportar d'èsser sol, mas non, vau plan. Soi daissat davant la television e l'ordenador, sol sus ma cadièra. Ai begut una botelha de Madiran a 13°, a quin vin meravilhós. Puèi una botelha de Còstas de Ròse vilatge a 14,5°, aviái paur que aital d'alcòl faga un pauc tròp, mas non aviá un bon gost.

Puèi subretot lo vin dona pas mal al cap e de mai soi pas fatigat. Alara qu'amb lo whisky o la bièrra, ai mal al cap la mitat del temps.

Pensi pas aital a la filha, pensi a ela mas pas aital que ièr o dimenge. Ai pas lo drech d'èsser trist alara qu'èra un bon moment. Pensi a ela pr'aquò uèi soi urós.

Puta de vida

Dieu, perqué siás aital dur amb ieu. Fa un moment qu'ai pas pus pensar al suicidi. Ara i pensi cada minuta, vòli morir. Sabi pus, vòli viure benlèu.

Espeti un cable, sol en çò ieu.

Ai passat una bona dimenjada, ai rencontrat una filha, pas una qu'òm aima per sa beutat mas per son còr, una filha qu'es del mieu vejaire una filha woaw !

Cossí es possible de pensar a la mòrt alara qu'èra una bona serada, soi piòt. E subretot cossí es possible de pensar a una filha tota la jornada alara qu'ai parlat solament qualques oras amb ela. Quina serada a Palavàs, en çò de Mihai, un amic romanés. Avèm begut una liquor de peras e de pomas, lo tot mesclat dins la meteissa botelha. Puèi doas botelhas de vin rosat, e per un còp m'agradava de beure un rosat.
E coma Mihai voliá far l'amor a costat de nosautres amb l'autra filha, sèm anats un brieu sus la plaja. Puèi a 9 oras del matin, l'ai acompanhada a la gara de Montpelhièr per comprar un bilhet per anar a Nimes.

E dempuèi pensi a ela.

Ara soi a l'escòla a una reünion amb lo burèu dels escolans, e aimi mai èsser aicí qu'a l'ostal al mens pensi pas a aquela dimenjada. Ai manjat pas res dempuèi dissabte e n'ai pas talent.
Vau de melhor en melhor, arribi a pensar a autra causa, arribi a veire lo costat positiu de la dimenjada. Sabi pas cossí un òme pòt, dins una jornada èsser aital mal puèi aital ben en qualques oras. Benlèu la rason es que soi pas sol a l'ostal a esperar quicòm de la vida.

Òc, èra una bona serada.

Setmana a Milhau o trabalh a l'ostalariá

Dimenge soi dintrat a Milhau, a miègjorn avèm agut un repais de familha amb los grands. Ai dormit lo vèspre. Puèi soi daissat a l'ostal a ne faire res, quin plaser, a legir un pauc e Bodon, a regardar la television coma un vièlh.

Dimars, èra lo 11 de novembre, e de fach un jorn ont devi pas trabalhar en respècte de la granda guèrra e tot aquò. Pr'aquò mon paire a dich, filh deves dobrir lo bowling a 5 oras, seràs sol. Cal saber que lo bowling es tanben un restaurant, un cafè, e una ostalariá. E donc es pas aisit sol de respondre al telefòn, e de far tot lo trabalh. Primièr grop a l'obertura, 2 cafès, un mièg, un mièg cassis e un perrier citron. Benlèu es pas res mas amb lo telefòn e d'autres que vòlon tanben jogar al bowling. Ai fotut 15 minutas per menar la comanda. Ai donc pas fa pagar.
Puèi dimècres, de bon matin, revelh a 7 oras per èsser a l'ostalariá per 7 oras e mièja. E aquí devi far moment, esperar, dire bonjorn, 2 oras per veire 8 o 10 personas. Puèi netejar la sala. Puèi anar al lièch per ma segonda nuèch fins a miègjorn. Meteissa causa lo dijòus e lo divendres. Son longas las oras a esperar drech los toristas o los trabalhaires que dormisson en çò nòstre.

Avèm dempuèi qualques jorns la television numerica terrèstra a Milhau, es una bona causa e pensavi que la menina de Milhau qu'agacha la television tota la jornada seriá urosa d'aver aquò. Mas non, ai crompat un aplech per recebre los rets. E un còp a l'ostal de la menina vòl pus aquela mèrda coma o dich. Puta de vièlhs qu'an paur de la modernitat. Vòlon ben la television mas pas de cambiaments, i aviái pas res a faire.

Aqueste vèspre, vau a Montpelhièr per la partida de rugbi Montpelhièr contra París.

Quina serada

Ièr èri a Montpelhièr amb lo SCO (nom del burèu del escolans). Avèm manjar qualques pizzas e begut un pauc de tot. Avèm dançat lo madison al mens avèm ensajat !

A 8h soi passat cercar Nicolas e Alpha en veitura puèi sèm anats en çò Maurice, avèm esperat Maurice 5 a 10 minutas dins l'intrada. Puèi avèm esperat Geoffrey e la sieuna polida qu'an pogut venir a 9 oras solament. Puèi amb Nicolas e Maël sèm anats a la pizzeria per comandar 9 pizzas, es a dire una per cadun. Ai getat un uèlh a la television per veire la partida de rugbi França contra Argentina. 9 a 6 al mièg de la partida, a degut èsser una partida de mèrda. Puèi los pizzas, 50€ e zo ! Direccion l'ostal per beure, es pas totjorn aisit de conduire mas subretot es pas aisit de pas beure.
Avèm donc dançat, avèm parlat de tot, mas mai que mai de pas res. Pr'aquò foguèt una serada polida, puèi a 4 ora sèm dintrats, ieu sol direccion ma veitura per anar revar e dormir, mas soi demorat pas mai de 20s dins la veitura. Sophie es ja luènh, sai pas, devir dire çò que pensi d'ela un autre còp, lèu lèu dins la carrièra mas sai pas ont es la sieuna veitura.

Ai cercat qualques minutas, puèi ai comprés qu'èra la fin, soi sol. Ai caminat un pauc dins la nuèch.

Soi passat a costat d'un grop de personas, benlèu 7 o 8 que braman, puèi 20 m a costat ai vist de la glaça, ai talhonat qualques bòlas pes los escampar sus las veituras e dins los arbres.
Lo problèma es que 4 de los tipes son venguts e an dich qu'èri lo tipe qu'a capusat la lors veitura e raubat una causa dins la veitura. Mas èri pas ieu donc ai solament cridat "aquò's un cotèl" en occitan amb lo cotèl dins ma man. An agut paur e son partit, après ai donc corrit lèu lèu, mas los autres tanben, me soi arrestat. Ai donc començar a parlar en francés amb eles a dire qu'èra pas ieu. Son partits un nòu còp. Puèi ai caminar direccion ma veitura, mas los autres èra totjorn darrièr a 50m. Soi donc dintrat dins una clinica per me cachar.

Puèi qualques minutas après soi dintrat a la veitura lèu lèu per poder respirar. Mas o podiái pas partir a causa de la buga sus las vitras. Puèi ara la paur. Los autres a 6 o 7 a costat de la veitura que disián : "soi segur es dins sa veitura aquel pede, cal lo trobar".

Bolegui pas pus, respiravi pas pus.

Al final mercé a la buga soi aicí, soi vivent. Soi partit un còp los autres luènh amb lo cap defòra de la veitura per veire la rota.

Point zéro

Ièr serada a "Point Zéro", ai begut una botelha de vin a 13°, un Fitor, a 9 oras, lo ser, sol, jos un arrèst de tram amb la pluèja a costat de ieu. Amb ma capucha sul cap mas pas jos la pluèja. Puèi un còp la botelha voida 30 minutas pus tard, soi anat al cafè per beure e parlar amb los autres. Ai begut 3 pastisses, 5 bièrras, un veire amb quicòm a l'interior mas sai pas çò qu'es. Mas ai pagat solament 2 pastisses a 1.50€ e 4 bièrras a 3€, primièr còp que despensi aital per una serada dins un cafè. Ai ganhat un pastis amb una escomesa amb Maurice. E Sophie es vengut al cafè coma o aviái dich, ai donc ganhat 1 pastis coma aquò !

Puèi un òme de l'escòla a vist que mon veire èra voida e donc ai agut un veire dins la man amb sai pas benlèu de rom. Puèi après la tresena bièrra la polida femna darrièr lo comptador a dich que o voliá pas del mieu argent. E donc una bièrra a gratis.

Avèm dançar un pauc, que foguèt una bona serada ! Puèi un pauc abans 1 ora lo mond es dintrada en çò el. Donc un còp sol de l'escòla dins lo cafè soi dintrat en çò ieu, coma los autres.

E ara es lo matin, me soi desrevelhat a 8 ora sens aver mal al cap. E ara los corses. La fèsta es acabada.

Barack Obama

Barack Obama es lo nòu president dels Estats Units d'America. Fins a 3 oras ièr èri davant l'ordenador per saber lo resultat. De mon costat es lo primièr jorn dels corses, òc comenci en novembre abans èra solament la pre-dintrada. Avèm fach una reünion amb lo burèu dels escolans a miègjorn. Urosament sèm 2 a èsser en quatrena annada, lo president e ieu, sèm arribats tardièr en cors de Solaris coma a caduna de las reünions. Avèm pas corses la setmana que ven, donc ai una setmana de vacanças.
E ara vòli ja èsser luènh, al mens a l'ostal, coneissi pas degun en defòra de Régis.

Aqueste ser vau a una serada amb l'escòla dins un cafè a 9 oras, mas pas en veitura, devi apelar ma cosina per aver la sieuna motocicleta abans aqueste ser per poder beure. Sabi pas se demandi a Simon de m'acompanhar, es mon melhor amic, mas a cada còp que vòli una femna, aquela femna vòl Simon. Donc pensi que vau anar sol a la serada pr'aquò coneissi de mond de la pre-dintrada. Manca pas pus que la motocicleta.

Venir per aquò

Venir per aquò, per una ora de presentacion de l'escòla per aquò ai jogat al baby-foot e subretot ai vist Sophie qu'es tanben polida malgrat la sieuna tèsta qu'a dos còps amb de sang sus un costat. Es tombava dins los escalièrs en çò ela ièr. Ai crompat 6 plaças per la partida de rugbi del 15 de novembre qu'es Montpelhièr contra París. Ai crompat per 6 estudiants mas i a que dos estudiants e l'an que foguèt fasián pas de contraròtle d'aquò mas ara i a un trauc dins la plaça ! Mas bon pagam solament 7.5€ per veire un espectacle polit.

Aqueste vau beure una botelha de brageirac de 2005, un roge coma totjorn. Èri al lièch tota la vesprada, ara me desrevelhi per sopar.

A la television es l'eleccion als Estats Units, segonda poténcia mondiala après Euròpa. Mas vòli ben daissar la primièra plaça, soi pas contra la modernitat pr'aquò vòli pas d'Euròpa granda ont Roergue es pas res. Es ja pas aisit d'acceptar las decisions de los estatjants de França, alara cossí acceptar aquelas de Brussèlas.

Diluns d'auton

Dins la carrièra, un fum de fuèlhas sus los trepadors, pas aital sus los arbres. Soi totjorn a Milhau, fins a nadal ai escòla solament de dimècres a divendres, sai pas çò que vau a faire lo diluns e lo dimars, benlèu trabalhar a l'ostalariá del paire. Fa un solelh grand mas tanben un vent grand.

Amb Thomas sèm anats faire un pichon torn a pè, de Milhau a Massabiau pels camins e de Massabiau a Milhau per d'autres camins. Pichona balada dins lo milhavés a discutir de tot e de res. Pas besonh de mai per èsser urós, aquel païsatge, aquela odor, se soi amorós es d'una unica causa es d'aquel luòc. Puèi après nos sèm dits adieu e a nadal per se veire 2 jorns, puèi a l'estiu pas abans. Es pas aisit d'aver los amics a l'autre costat de la tèrra, per Thomas es solament Roan, mas qu'es luènh !

E a 7 oras, agachi lo mieu corrièr electronic, e que vesi, un de mon escòla per me dire que deman a 9 oras e mièg, devi èsser a l'escòla per un seminari d'acuèlh ! Ò puta que fa pas plaser ! Donc ara soi a Montpelhièr a beure qualques pastisses e una botelha de Galhac.

Dimenjada a Milhau

Quina dimenjada, 2 seradas dins la veitura a beure amb los amics. Dins la veitura, amb defòra una pluèja e un vent a far tombar los arbres. A 5 dins una Renault 5. Primièr còp que vomissi de l'annada, annada escolara de segur, es a dire qu'ai begut en delà de la normala, qualques bièrras, benlèu 6, mas subretot de la sangria. E quin regal d'èsser aicí, a dire de la mèrda e a beure amb de la musica dins una veitura, soi lo sol a ne pas fumar donc bevi mai que los autres.

Donc dissabte avèm començar a beure a 8h del ser, après aver manjar dins un restaurant kebab a 3, dirreccion lo naut de Milhau en delà de la vila, a la campanha, non solament dins la natura. Puèi a 9 ora dirreccion lo centre per anar cercar Simon e Thomas, puèi sèm encara anats dins lo naut de Milhau dins un autre luòc, avèm begut qualques litres de sangria e de bièrras, puèi sem anats en vila per beure un pastis a 1.50€ e jogar al bilhard, puèi a mièjanuèch o 1 ora coma lo divendres ser dirreccion lo bowling per beure una bièrra a gratis e dançar un pauc mas subretot per veire un pauc de mond. Puèi a 3 ora sèm dintrat e alara ai vomit. Ai pas vist mon paire a l'ostal, trabalha cada ora que dieu fa al bowling, es a dire aquesta dimenjada mai de quinze oras cada jorn mercé al torneg de bowling.