40 km en bicicleta

Ièr, dissabte, dissabte al país. Ai dormit tot lo matin, a quin plaser ! Puèi dinnar amb los mieus, avèm manjar de moton, aquò cambia del restaurant universitari. Çaquelà soi pas aicí solament per manjar. Ai legit un pauc de Bodon sul lièch.

E a 3 oras, ai donc fach un torn a bicicleta, en fach un velò de camins mas ai pas fach de camins. Milhau, puèi La Ròca, Lo clapàs vièlh e Milhau.. Fa solament 40km mas i a mai de 500m de naut entre La Ròca e Lo clapàs vièlh ! D'acòrdi lo causse negre es polit mas puta qu'es naut ! Cresiái pas qu'èra tan naut !
E donc 3 oras 30 pus tard, aquí lo retorn a l'ostal, mas sens mas cambas.
Direccion la docha puèi lo lièch, per se levar una ora après, per sopar amb mamà unicament, lo paire al trabalh cada jorn, cada ser.

Puèi 30 minutas al lièch e direccion Sant Africa pel concèrte de Mauresca Fracàs Dub, e aquí un puta de mal de ventre ! Una caganha que ven coma aquò, sens dire bonjorn ni mai adieu. Passatge pels comuns, mas entre lo mal de ventre, lo mal de cap, lo mal a las cambas..ai demandat en francés a quina ora es Mauresca..a 11h de ser abans es La talvera, e aquò m'agrada pas pus, sabiái pas çò qu'èra mas aimi pas. Donc cal esperar mai d'una ora amb una musica que m'agrada pas, sol dins Sant Africa, sol, entre los amics qu'aiman pas Mauresca e los que son al luènh del país, sol.

Donc retorn a Milhau, lèu lèu al lièch. Deviái passar veire lo Julien mas ai pas agut lo coratge, me desrevelhi una ora mai tardièrament, es lo telefòn.. Julien.. non desolat l'òme pòdi pas venir ara.