Film/documentari a prepaus de las làmias

Ièr après aver fach un pichon torn a Decathlon per la serada d'integracion (Soi dins lo burèu dels escolans) de l'escòla, per saber lo prètz dels t-shirt negre e blanc, donc soi dintrat en çò ieu e sul pic un pastis, puèi un autre. E de segur una botelha de vin, un d'Aude, un Fitor a 13° davant la television, ai agachat un documentari a prepaus del salvament de las làmias. Arribi pas a aver lo gost de la regalécia en boca amb lo vin, benlèu mai lo gost dels fruches mas la regalécia non. Bevi un fum de vin e sai totjorn pas los qu'aiman e los autres, sabi qu'aimi los de Madiran, los de las còstas de Ròse, mas bevi un fum de vins diferents e per se sovenir de tot los vins es pas aisit. Pr'aquò bevi totjorn amb aital de plaser. De roges, benlèu pas totjorn, bevi un pauc de blancs mas pas jamai de rosats, los aiman pas.
Ai comprat un ròcafòrt entièr, es a dire 2.5kg a Milhau a un que trabalha dins los cavas, donc solament 20€ e es pas lo mens bon..
Vau a en donar un quart a Sophie qu'aima ben aquò. Veirem ben çò que va a passar.