Vin de Frontonh

Aquel ser es un vin de Frontonh en Nauta Garona, castèl cransac. Sabi pas perqué mas aimi mai que tot los vins dels sud-oèst. Aquel pichon vin de 2005, qu'es una annada divina per lo vin, a solament un 12,5° mas es pas grèu pr'aquò aimi mai los a 13 o 14 qu'an mens gost a aiga.

Soi pas pus amorós, ai perdut mai de 5 kg en 4 setmanas e fau un pauc d'espòrt e de musculacion, e ara me tròbi un pauc polit. E d'un autre costat Sophie es pas la femna de ma vida, es polida, es brava, es un plaser d'èsser amb ela mas ai besonh d'una femna e n'ai un sadol d'esperar. E per un roergàs, de ne pas manjar lo ser es un sacrifici grand. Donc devi arrestar de pensar a Sophie. Devi pensar a quicòm d'autre, a l'informatica, a mon trabalh ?
Lo trabalh es aquí per aver mai d'argent, l'informatica quina messorga, cossí es possible d'aimar aquesta mèrda. D'acòrdi es ben lo web e tot aquò mas bon es solament un esplech per parlar, per trabalhar..pas mai.

Mangi pas lo ser, qualques còps solament, un pauc de sopa, de ròcafòrt, pas un vertadièr repas. bevi solament de vin e de pastis lo ser pas mai.