Dimenge al país

Me desrevelhi a 9 oras lo matin, servís a pas res d'aver una ora de pus per dormir, arribi pas a dormir en aqueste moment.
A miègjorn ai dinnat amb los mieus, amb papà e mamà, de lapin amb de ris, fa plaser de manjar la cosina de la maire.
Amb Thomas sèm anats en lo Bowling per far una partida a gratis, beure un còp a gratis (coca-light per ieu) e après per jogar a un videojòc "The house of the dead" (L'ostal de la mòrt en anglés) a gratis totjorn..
Lo ser direccion Montpelhièr, amb Simon e Jean-François sèm anats al restaurant Quick
(fa un fum d'anglés tot aquò..). E per la primièra còp aimi un pauc Montpelhièr..quin plaser d'èsser dins los carrièras amb pas degun, e solament 10 minutas per anar en vila !

Uèi soi en corses, Lengatge C, sabi ja tot çò que fasèm mas soi aicí, benlèu per l'amor, soi amorós, cresi que soi amorós, mas aquesta dròlla m'a pas mancada aquesta dimenjada donc sabi pas tròp que pensar d'aquò. Pus que 5 jorns a se veire cada jorn, cal far lèu lèu, aprés soi en 4eme annada e ela en 3eme, deu anar en corses los dimècres, dijòus e divendres e ela los diluns, dimars e dimècres.. ai pas d'astre. Benlèu la serada d'integracion es ma darrièra serada ont pòdi dire un còp de mai que vòli èsser amb ela..